ትርጉሚህ መምረሒ

            ዑሱብ ኪዳን   አምሐራ ታፍኮ ሳሆ ታፊህ  ትርጉሚህ መምረሒ

          አኑ ቱርጉሙህ አካህ እምጥቂመ ፊደላት፣ ግዕዝ ፊደል ኪኒ።

   1.“ሀ” ኮ “ፐ" ፋናህ፣ ታነ ፊደላታል ትርጉሙህ ኢምጥቂመህ አነ።

  2.ታሃማድ አኔዋ ናኑ ማንጉም ኤልናምጥቂመ ኢንኪ ፊደልቲ ያነ። ታይ ፊደልቲ ታይቲያ       ኪኒ፣[ዸ ዹ ዺ ዻ ዼ ዽ ዾ]

  3.ታይ ፊደልቲ አክ ይምፍጥረህ ያነም፣ [ደ]ኮ ኪኒ። ሚሳለህ ግዕዚህ [ ጸ ] ኪይይ ይነቲያ ‘ጸ’ክ አሞክ ነጥቢ አክሃየኒህ [ጰ]  የከምባሊህ፣ [ደ]ክ ታማምባሊህ ነጥቢ አሞክ አክሃይነህ [ዸ] ነህ ኒሲይመ። አኪ ሲያመ ለ አካህ ታምሓዎ ዽዒማ። አኑ አካህ ኦሖወ ሲያመ ታይቲያ ኪኒ።

  4.ታይ [ዸ] ፊደልቲህ አጣቃቅማ፣ አራብ ኤዸዻኮ ሳራቱላል ኢክልብሰህ ሳካንዻዻክ ታይዽብሰህ ያውዔ ዲምጸ ኪኒ። ሚሳለህ፡ ባዾ፣ ኤዸዾይታ፣ ባዻ (ላብቲያ)፣ ባዻ’(ሳይቲያ) ያናምባሊህ ኪኒ። ሳይቲያ ባዻኮ ባዽስኖ ምድጉላኮ ነጥቢ አክሃይና፣ ሚሳለ [ባዻ’] ነህ ባዻኮ ባዽስና። አኪም ኢንኪ ጉዳይ ኤድኦሰያ ማሊዮ። “ሀ” ኮ “ፐ” ፋናህ ታነ ግዕዝ ፊደላታህ ኢምጥቅመህ አነ። 

  5.ቆንቃድ ማንጎ ሪሮዋከ ጽሮርከ ሐኮኮ ፊደላትከ ቃላታክ ኡማንርከከ አክ'ሃየኒህ ያጽሐፎናከ ያይጻናዖን ታጽግመቲያ አቦና ኢኒ'ዸግኃህ ጉርሱሳም ተከህ ዮህማ ታምቡሉወ። ናኑ ዋኒ ሂሪግና፣ ዋኒ ሂሪጋናም ማንጎ ጥቅመ ማለ። አኪ ቆንቃህ ኒ'ዶቢ ኮና ቃል ወይ ኮና  ዓረፍተ ነነገር ዋንሲታህ ናኑ ኢንኪ ቃል ወይ ኢንኪ ዓረፈተ ነገር ኪኖ ዋነሲናም። ታሃም ቢክታካህ ማታጥቂመ።

    6.ኡማን ቆንቃድ ታጥብቀም፣ ታልሕልሔም፣  ሂርጊማታም ፣ ጉባል አጋናል ታም ታነ። ሐኮኮከ  ሪሮዋ፣ ፊደላታክ ፋናድ ማሃን።

  7.አኑ ኢነህ አብለምባለሚህ “ሀ” ኮ “ፐ”ል ታነ ግዕዝ ፊደላታህ ኢንኪ ጸገም ሂኒም  ጉርተም አካህ ትይንብበህ፣ ታጽሐፎ፣ ቀልልህ ዽዒምታም  ኪናም የከህ ዮህ ያምቡሉወ። ያነ ግዕዝ ፊደላታል ቀጥታህ ያምጥቅምኒም ጸገም ለሚህ ዮድሚግዳ።

   8.አይቱርጉሚህ ኢነህ ዽዔሚህ መጠንል ትርጉሙል ጥንቃቀ አበህ አነ። ለል አይንብብህ አራብ ያዹወምኮ፣ቃላት ታሙዹዔምኮ፣ ሲደህ ያምናባቦ ሓሳባድ ሃ'ክ ማንጎ ጥንቃቀ ኤድ አበህ አኒዮ።

    9.ያም'አራሞ ጉርሱሳ ጉዳይ፣ ሓሳብ ገጋ፣ ትክክል አካዋ ቃሊህ ትርጉም፣ አክ ፊዽተም፣ ይምድጊመ ሓሳብ ወይ ቃላት ኤድያናዎ ዺዒማጉል፣ ለል ፊደላትከ ስዋሱ ጉድለት ኢድ ታብሊንጉል፣  ዮህ ቱማሪሶ ጉራቲ ይኔምኮ፣ ገሪል ያነ ይኢመሊህ ሚጋዓህ ዮል ዽዽቶና ዺዕታን። አኑ ለ አይንብብክ አስተከከለ ሊዮ። ታማል ካዶ ኒባዾል አካህ ያጽሕፊን ፊደላቲህ ኢሪማታህ ኤድ'ሓዋልቶና ማጉራ። ኡኑ ታማይ አጻሐሒፋ ማብልኒዮጉል ካዶ ይማጉርሱሳ።

    10. ያም'ኢሪመ ጉዳይ ገይማጉል፣ ጸገም ማለህ ያም'አራሞ ዒሎህ ታይዒለህ ያከጉል ያሰ አራሕ  ኪኒ።  

   11.[ማጽሐፍ፣ ማዕራፋ፣ ቁጽረ፣ ገጋ፣ ኢሪማት፣] ታይ EMail Addres፡ abrahabwg2015@gmail.com ተኒህ ዮህ ፋርተኒምኮ ጸገም ማለህ  ኣራሞ ዺዓ ።

    12.ዒሊስ ነገር አክ ባኪተህ ኪኒ። ካምቦኮ ላካል ታነም ያስታካካሎና ለ ቀሊሊ  ኪኒ። 

  1.አኑ ይሓሳብ ኤለክትሮኒክ ሳሆህ ዑሱብ ኪዳኒህ ቱርጉም የከህ ሰልፎኑልከ ኮምፒዩተሪል ኢሮልከ አዳል ታነ ኢሮብ ዻይሎ ኤል አኒናኒል የኪኒህ ኤልያምጣቃሞና፣ ናፃህ ሐዋሪያ ሢራሐህ  ኢስቅሪበህ አነ። ኢኒ ኒ'ግደህ ኤህ አበ ሢራሕ ማኪ። ይ'ኒግዲ ሳሆ ዋኒ  ዺዒናንቲ ይንብበህ ኢሲ ናፍሰህ ኤል ያምጥቅመም ኪኒ። 

    2.አይሚህ ቁዱስ ማጽሐፍ አይንብበ ዋ ክሪስቲያንቲ ክሪስቲናት ኢምነት አይምቶ ኪናም ሚያዽገ። ባዽሳህ ኢየሱስከ ኢሲ ኢምነቲል ገዽንታ ኪኒ። ሚያዽገጉል ቱክረት አልሚያሐየ። ኢየሱስከ ኒኒ'ድኅነቲህ ኢምነት አራሕ ናዻጎ ጉርነምኮ፣ ዑሱብ ኪዳኒህ ማጻሕፍት ንስቲውዒለህ ንይንብበህ ናምርዳኦይ። ኢየሱስ አይናህ የህ አዒለህ ዓለሚል ዮቦከምኮ ኤዸዽሰህ ራበህ ራባኮ ኡጉተህ ዓራናል ያውዔም ፋናህ ባዾል አበ ዲንቀ ኪን ሢራሕ ኒ ዲኅነቲህ ዳዓባል ታይሪዲኤ ሚሂሮ ይብዸ ማጽሐፍ ኪኒ። አማይጉል ቁዱስ ማጽሐፍ ሠርዓታህ አይንብብክ ታይሰለሰል ከርስቲያን፣ ኢየሱስከ ሲኒ ኢምነቲህ አራሕኮ ባዽሲምተም ማኪኖን። ድኅነትኮ ለ ሚሪሕተም ማኪኖን። አፍ አካህ ፋከን ሲኒ አፋህ  ያሳናባቦና ዺዓህ  ዒሲስታህ ያብሎና መዳ። ታይ ዒድል ገይሞ፣  ማንጎ ጊዘከ ጉልበት ኤድ ሐዽተህ ኪናም ማሶዽናይ ኤልምጥቂማ። ናኑ ኢሮብ ዻሎክ ቁዱስ ማጽሐፍ ማንጎም ማናይንብበጉል ጥቅመ አክማናምሪዲኤ። ኒሂወትህከ ኒድኅነቲህ ለ ጥቅሚ ናባቲያ ኪኒጉል፣ ለለዒል ላማ ዋክተ ዻሒነከ ካሶ ዒንዻሃም አክ አይንብበካህ አክ ትላየዋይኖይ።

አይናህ ኢሰኒህ ገይቶናከ ፋክቶና ዽታናም ታሃምኮ ጉባል ካታይም ተራህ ኡቡላይ ኤል ኢምጥቂማ። 

https://sahonewtestament.blogspot.com/ ታይ ቲይ ማጻሕፍት አካህ ፋካንቲህ ሚጋዕ ኪኒ።[ URL] ኪኒ።  IROB-SAHO፟ NEW TESTAMENT= ኢሮብ ሳሆ ዑሱብ  ኪዳን፣ ይምሊጢፈህ ያነም ታክቲለ ኢንተርነታታል ኪኒ።

• Google Chrome  = 

• Any Other Browser

IROB-SAHO NEW TESTAMENT=

 ኢሮብ ሳሆ ዑሱብ  ኪዳን (ሳባዕታን)

URL_https://sahonewtestament.blogspot.com/_ታይቲ ማጻሒፍቲ ቁልፍ ኪኒ።_ማጻሕፍት አካህ ፋኪታ ቁልፊ ታይቲያ .ኪኒ። ታይ URL ያነ ዓሳ ቃላም ለም ሳባዕታንጉል  (MENU )_ታሚተ።

1.MENU ታሚቲንጉል ፣ማጻሕፍቲ አሞል  IROB-SAHO NEW TESTAMENT= ኢሮብ ሳሆ ዑሱብ (ሐዲስ)    ኪዳን  ያ አርስቲ ያሚተ፣ Menu  ኑል አዶሓ አራሐህ ማጻሒፍቲ ሚጎዕቲ ተራ ታሚተ፦

2. 1. አጋናኮ ባሮል ባሶድ HOME ያሚተ፣ካታየህ ቱርጉም መምረሒከ ማካሞ ታሚተ፣ ታሃምኮ ካታየህ፣ 27 ዑሱብ ኪዳኒህ   ማጻሒፍቲ ዝርዚሪ ያሚተ፣ 

2.  2. ሚድጉላኮ ጉባል ኦበ 27 ማጻሒፍቲያህ ዝርዚር ያምቡልወ፣ 

2. 3. ፋናል ጉባል ኦበ 27 ማጻሒፍቲ ዝሪዚር ለ ያምቡሉወ ።  

3. ዑሱብ ኪዳን 27 ማጻሒፍቲያ ፣ አዶሓ አራሐህ አካህ  ይምጽሕፈም፣ ጉርተን አራሕኮ ማጻሕፍቲድ ሳይቶና ዺዕቶና ዒሎህ ኪኒ። ምናልባት ውል አራሕ አልፊመክ አለየ ያከጉል ለ ኤል ናምጣቃሞ ዒሎህ ለ ኪኒ።

4.ማጽሐፍኮ ማጽሓፋድ ሳይቶና  ጉርታንጉል HOME ሳባዕታን፣ ሳራህ ጉርተን ማጽሐፍ ሳባዕታንጉል ሲናህ ፋኪታ። ለል MENU ኑል ጉርተን ማጽሓፍ ፋክቶና ሳባዕታንጉል ፋኪቶ ዺዓ።

5.ሲናህ አምርድኤዋ ጉዳይ ዪኔምኮ ይኢመሊህ አራሐህ  የሠርቶና ዺዕታን።

 ቶርጋሚ መብቲ ዻውዹመቲያ ኪኒ።