ማላሚ ያሃንስ መልአክት

    ማላሚ ሐዋርያ ያሃንስ መልእክት

ሳይማ

  ማላሚ ያሃንስ መልአክት ትምጽሕፈም"ሲማግለ ሐዋርያ ያሃንስህ"ተከህ፣ ትምጽሕፈም"ዶሪምምተ ዓሪ ባዕላህከ ዻይሎህ"ኪኒ፡፡ ምናልባት ኢንኪ ቁምስናህ ሞሶዓሪ አባላታህ አከካህ ማራዕታ፣ ታይ ኡዹዽ መልአክት ትምጽሕፈም ሲነሲነህ ያምካሓኖና ያይሐሳሳቦከ ዲራብቲ መምሂራኒህ ሚሂሮኮ ያይጣንቃቆና ኪኒ፡፡                                                          ______________________________ 

ማዕራፋ 1

  1. ዶሪምተ ዓሪባዕላከ ተ ዻይሎህ፣ ዮኮ ስማግለይታኮ ፋርቲምተ ፋሮ፣ አኑ ሓቀህ ሲን ኪኂኒዮ፣ ዮያ ዲቦህ አከ'ካህ ሓቀ ታዽገም ሙሉኡድ ሲን ኪኅኖን፡፡  2. ታይ ሓቂ ለ ኒ ፋናድ ያነቲያከ ባሶቱላል ኡማንጉሉህ ማራቲያ ኪኒ፡፡ 3. መዔፉጎ አባከ ባዺ ኢየሱስ ክርስቶስህ ጸጋከ መሕረት ሳላም ለ ሓቀህከ ካሓኖህ ኖሊህ  ያኮይ። 

ሓቀከ  ካሓኒ  ዳዓባል

  4. ኩ ዻይሎኮ ጋሪጋሪ፣ አባ ኒይኢዚዘሚህ ሪሚዲህ ኢምነቲህ ሲክ የኒህ ገየርከ ጋዳህ ይኒያቲሳ፡፡ 5. ኦዓሪባዕላ! ካዶሊህ ሃየ! ኮካም ታይ ኮህ አጽሕፈም ዑሱብ ትኢዛዝ ማካሊን፣ ካዶ ኮያል አጽሕፈም"ኒነኒነህ ናምካሓኖይ"ያዽሔ ኤዸዾይታኮ ኡጉተህ ኖሊህ ይነ ቲኢዛዝ ኪኒ፡፡  6. ሓቂ ካሓኖ ያናም መዔፉጊህ ትኢዛዝ ያፍጽሚኒም ኪኒ፡፡ ታይ ትኢዛዝ ለ ኤዸዾይታኮ ቶብኒም ባሊህ ካሓኖህ ማራ ያቲያ ኪኒ። 7. ኢየሱስ ክርስቶስ ሒያውቶ የከህ ኃዶይታህ ዩምቡሉወም አምነዋይታ ማንጎ ታስገገየም ዓለሚል ኡጉተን።  8. አቲን ለ ሙሉእ ሲኒ ደመዎዝ ጋራይቶናክ ኢትጊሃ፣ ሢራሕተኒም ሲናክ ታለየክ ሰሊታ።  9. ክርስቶስ ሚሂሮል  ሲክ የህ  ማረ ዋቲያከ ካኮ ሚሪሕ የህ ያዴቲያሊህ ፉጊ ኤሊህ ሚያነ፣ ክርስቶስ ትምሂርቲል ይጽንዔህ ማራ ሒያውቶሊህ ለ አባከ ባዻ ካሊህ ያኒን፡፡  10. ታይ ሚሂሮ አብዸካህ አክናንቲ ሲን ኡላል የመተምኮ አቲን ሲኒ ዲኪድ ካማጋራይና፣ ሳላምታ ኡካ አካህ ማሓይና። 11. አይሚህ ሳላምታ ያሓየ  ሒያውቲ ካ'ኡማ ሢራሕ ሓድልታቲያ  ያከ።

ባክቶ ሳላምታ

  12. ሲናል አጽሐፎ ጉራ ማንጎ ጉዳይ ሊክ ኢነ፣ ያኮይ ኢካህ  ኡምቢህ ደብዳበህ አግላፆ ማጉራ፣ ማንጊህ ኒኒያት ዓዶቲያ ያኮ ሲን ኡላል ኤመተህ  ነፍ ነፊህ ቲታ ኑብለህ ሲን ዋንሲሶ ታስፋ አባክ  አነ፡፡  13. ዶርሚሚተ ኩሳዕላህ ዻይሎ ሳላምታ ካብ ኮህ ኢሳን።