ማካሞ

ማካሞ        [ዸ ዹ ዺ ዻ ዼ ዽ ዾ]

        ዑሱብ ኪዳን ኢየሱስ ክርስቶሲህ ዳዓባል ዋንሲታ ማጻሕፍት ኪኒ፡፡ ዑሱብ ኪዳን አካህ የን ምክንያት ፉጊ ሕዝበሊህ ሳየ ዑሱብ ቃል ኪዳን ያይቡሉወቲያ የከጉል ኪኒ፡፡ ታይ ቃል ኪዳን ኢየሱስ ክርስቶስ ያይደኅነቲያከ ማደራ ኪናም ታሚነሚህ ኡምቢህ የኒም  መዔፉጊህ ታስፋ ቃላህ በሠራታህ ኪኒ፡፡ ዑሱብ ኪዳን በሠራታ ቃል ዲቦህ ማኪ፣ያኮይ ኢካህ ታይ መዔ ዋረ ታይኒቢበም ኡምቢህ ቃል ኪዳን ያፋጻሞና ውሳነ አቦና ኤሰራ፡፡

    ላማታናከ ማልሕ ዑሱብ ኪዳንህ መጻሕፍት ትምጽሕፈም መዔፉጊህ መንፈሲህ ትምሪሔ ኢሲሲ ሕያዋህ ኪኒ፡፡ትምጽሐፈም አይከ ኮንቶም ኢጊዲያህ ካብያ ዋክቲህ አዳል ኪኒ፡፡አንኪጉል  ኡካ ማጻሕፍት ሲኒ ማባዾህ አዳድ ባድስምተም የኪኒሚህ፣ ኡማን ተን አዳድ ገይምታ  ሓሳቢህ ፍረ ኡምቢህ ለ አይገነዘብክ ያምዋሀሃዶ አብሲሳ፡፡ ታይ  ሓሳቢ ፍረ ኢየሱስ ክርስቶሲህ ምክኒያታህ  ሕያው ዳራህ ዩምቡሉወ ፉጊ ካሓኖ  ኪኒ፡፡

        አፋራ ወናጊል ዋንሲታናም ኢየሱስ ሕይወቲህ፣ሚሂሮ፣ሥራሕ፣ ራባከ ኡግታቶ ዳዓባል  ኪኒ፡፡ሐዋሪያት ሥራሕ ያይቡሉወም ወንጌል ሚሂሮ (በሠራታ ቃል) ሶዶም  እጊዲያ ታከም ኢየሩሳለምኮ ኤዸዺሰህ ሮማውያን ግዝአት ዋና ካታማ ፋናህ ተከ ቲያ አይከ ሮማ ፋናህ አይናህ ተህ ተምፈደደነም ኪኒ፡፡ ጳውሎስ መልእክታት ቲምጽሕፈም  ባሶ ክርስቲያናድ ጋራይ ዪነ ጸገም አይሲሲኪክ  ሲኒ መንፈሳዊ  ጉርታዮ ያማላኦና ኪኒ፡፡ ታማርከኮ ታቅጽለ ባሐራ ማጻሕፍት "ጠቅላላ መልእክታት "ኢስመኒህ ደዕሚማን፡፡ተንኮ ውልወልም ኡማን ቦታል ገይማይ ቲነ አማንቲህ ጠቅላላህ ትላይተ መልእክታት ኪኖን፡፡ ራዕተም ለ ኢሲሲ ሞሶዓሪትከቶ ኢሲሲ ሕያውህ ትምጽሕፈም ኪኖን፡፡

     ባክቶት ዑሱብ ኪዳኒህ ማጽሐፍ አኪምኮ ኡምቢህ ባድስማቲያ ኪኒ፡፡ መዔፉጊህ ማንግሥቲህ ዳዓባል ሱባናምከ ክርስቶስ ማደራ ኪናም ታስሕሰሰበ ሚሂሮ ኤደትምቡሉወ ሙቡል፤ሚሳለህከ ያድንቀ ምልክቲህ ዳዓባል ኪኒ፡፡ ታሃምኮ ወልውል ቱርጉም ዳባን አናብባህ ግልጸ አከሒኖ ዽዕማ፤ያከካህ ዑሱብ ኪዳኒህ ፍረ ሐሳብ ያኮ ዽዓማም ፋንቲት መልእክት ግልጸህ ዋንስታም ኡሱክ ዓለም ማንግሥቲል ኒማዳራ ኒአምላካህከ ኒመሲሕህ ተከህ ታነ፣ኡሱክ ለ ኡማንጉሉህ ያንጊሠ!ታም ኪኒ ( ራእ.11፤15) ታይ ቱርጉም ሳሆሀ ዮምሶኖዶወም ሳሆህ ዋንሳ ሕያው ያጥቅመም ኪናማህ  ይምሕሲበህ ኪኒ፡፡

     ታሃም ኢሮብ ሳሆህ ተክህ ካታማል ገጠርል ታይናባቦ ዽዕታም ኡምቢህ  ያጠቅመ ሐሳቢህ ፍረ አክ ያምራዳኦና አካህ ዺዕማን ዓይነትህ ዮምሰኖዶወህ ያነ፡፡ ያከካሀ ተምወሰሰበምከ ተዸዸ ዓረፍተ ነገራት ባድሳህ አስዉዹዺክ፣ቱርጉም ዕልሳማከ ታመሰሰለ ቃላትታህ ያግልጸ፣አባክ አክ ዋኒሊህ አይዘመድከ ዶራክ ይምቱርጉመ።ታይ ቱርጉሙህ መሠረት የከቲይ እ.ኤ.ሎ.1983 ዓ ም ተምኄበበረ መጽሐፍ ቁዱስ ማኃብሪህ ሊቃውንቲህ ዮምሶኖዶወ ጥንቲ ግሪክ ዑሱብ ኪዳን ኪኒ፡፡

    ቱርጉም ሥራሐህ አምሐራ ታፋህ ታሐባባር ተከም ኦርቶዶግስ፤ካቶሊክ፤ ፕሮቴስታንት ሞሶዓርቲ አባለት ኪን፡፡ ታማባልህ ረቂቂ አራመህከ ሐሳብ ማብሎ አሐይክ ማንጎ ሞሶ ዓርቲ አባለት ተሓባበርቲ የኪኒህ።ይምጽሕፈ ዑሱብ ኪዳኮ ይምቱረጉምህ ኪኒ፡፡ካዶ ኢሮብ ሳሆህ ታይ ቱርጉሚህ ቱርይጉም ታይ ዑሱብ ኪዳንኮ አምሐራት አፍኮ  ሳሆል ኤዸዾይታ ትርጉም ያይታርጋሞ ይዕክነህ ያነቲ  አባ አብርሃ  ባራኪ ኪኒ፡፡[ኢሮብ ሳሆ ዺዕታ ሙሁራን ታአራሞናከ ሲኒ  ማብሎ ኤልታሐዎና ኢንተርነትል (IROB SAHO NEW TESTAMENT BLOG ) ፋክተኒህ ታይናባቦና ድዕታን፡፡ቲኒቢቢኒህ ያምአራሞ ጎረታን ቃል ወይ ሓሳብ ታይ ዕለህ ፋርቶና ዲዕታን።(ማጽሓፍ ፥ምዕራፍ፥ ቁጸረ፥ ገጋ ፥ይምእረመ ሓሳብ ወይ ቃል።]ፋረተኒምኮ መስጋናህ ጋራየህ አአራሞ ዺዓ፡፡ 

     ታሃማህ ፉጊ ምጋዕ ይምስግነቲያ ያኮይ፡፡ አመን፡፡